Pavarësisht se shumë njerëz, mjekë, apo shoqe mund të të sugjerojnë që të abortosh, mos e bëj. Nuk është thjesht një procedurë mjekësore e zakonshme, pa ndonjë rrezik të madh që do të zgjidhë punë.

Ajo që është në mitrën tënde është një jetë që ka filluar, një qënie njerëzore, që ka një ADN unike, dhe me një zemër që rreh. Nuk është thjesht ca inde apo një fetus. Këto janë terma që përdoren për të të mpirë ndërgjegjen. Sipas Fjalës së Perëndisë, biologjisë dhe eksperteve jeta ka filluar tashmë që në ngjizje dhe ajo brenda teje është një tjetër qënie njerëzore. Aborti do vrasë një jetë, një qënie njerëzore të pafajshme. Ai duhet të jetë i pamendueshëm dhe asnjëherë një zgjidhje për t'u konsideruar.

Ka zgjidhje të tjera. Ka persona që janë të gatshëm të të ndihmojë dhe të të mbështesin në këtë kohë të vështirë. Ka plot dëshmi nga vajza që e kanë mbajtur fëmijën dhe pasi e kanë lindur nuk janë penduar aspak dhe ka qënë një bekim i madh për to.

Ne do të ishim të gatshëm te të ndihmonim.

E kuptoj që është një situatë e vështirë për ty. Ti i njeh prindërit dhe të afërmit dhe mendon që ata mund të reagojnë keq. Më dëgjo. Dy të këqija nuk bëjnë një të mirë. Aborti, që është një e keqe shumë e madhe, një e keqe që duhet të jetë e pamendueshme, një vrasje ndaj një qënie të pafajshme dhe të pambojtur, nuk mund të jetë kurrë zgjidhja dhe do t'i shtojë jashtëzakonisht shumë vuajtjet e tua. Pavarësisht se si mund të reagojnë prinderit dhe të afërmit ti duhet ta mbash foshnjen. Është koha të bëhesh e fortë. Foshnja brenda teje është një bekim dhe dhuratë e madhe. Nënë nuk bëhesh kur lind fëmijën por kur ai ngjizet dhe fillon të rritet brenda teje. Ti tashmë je bërë nënë. Mbroje fëmijën tënd. Konsidero të flasësh me ta dhe të kërkosh ndihmën e tyre dhe gjithashtu mund të fillosh të marrësh këshillim të mirë nga njerëz që ta duan me të vërtetë të mirën tënde dhe atë të foshnjes tënde.

Shtatzania juaj është një bekim i madh. Një dhuratë. Pavarësisht se keni apo nuk keni shumë mundësi ekonomike kjo asnjëherë nuk është justifikim për të vrarë foshnjen që po rritet brenda jush. Nuk është një organ i trupit tënd, por një njeri tjetër me ADN-në e vet unike, me valë truri të ndryshme nga të nënës dhe me një zemër që rreh. Pse duhet të shihet si zgjidhje vrasja e tij me anë të Abortit kur me pak mundim e sakrificë (ashtu si edhe te paret tanë) mund ta rrisni atë. Roli i një nëne është të kujdeset dhe të mbrojë fëmijën e saj, jo të vrasë fëmijën kur gjendja është e vështirë.

Dr. C. Everett Koop, kirurg, ka thënë: "Në 36 vite në kirurgjinë pediatrike, nuk kam pasur asnjë rast kur foshnja duhej të abortohej për të shpëtuar jetën e nënës".

Në vitin 2012, një panel doktorësh u takuan në Irlandë, një vend me një nga shifrat më të ulta të vdekshmërisë foshnjore, doli në përfundimin: “Ne pohojmë që aborti i drejtpërdrejtë—shkatërrimi i qëllimshëm i fëmijës së palindur—nuk është i nevojshëm nga ana mjekësore për të shpëtuar jetën e gruas.” Ata deklaruan më tej: “Ndalimi i Abortit nuk afekton, në ndonjë mënyrë, disponueshmërinë e përkujdesit optimal për gratë shtatzëna.”